منتديات عطر الحكي  

العودة   منتديات عطر الحكي > المنتديات الادبية > قسم الـشعر

قسم الـشعر قصائد حب - قصائد عشق - قصائد حبايب - قصائد مدح - قصائد خيانه - قصائد غزليه - جميع انواع القصائد والشعر

قصيدة فهد المساعد,اجمل قصيده لفهد المساعد

..~ الأسرار ~.. يا رفيف الماء .. وفجر العيد .. وأحزان المواني يا أكثر أهل الأرض طيبة قلب .. وأسرار دفينه المكان اللي هنا .. مليان ضحكات

إضافة رد
 
LinkBack أدوات الموضوع انواع عرض الموضوع
قديم منذ /2014-03-09, 11:47 AM   #1

زهرة الوادى
¬ مُبدع مُشآرك ✿

 

الصورة الرمزية زهرة الوادى

 

بُيانتيُ ]

  

 عُضويتيّ : 23102
 تسجيليّ : Mar 2014
 مُشآركاتيّ : 149
 نقآطيّ : 50

 

 


زهرة الوادى غير متواجد حالياً

افتراضي قصيدة فهد المساعد,اجمل قصيده لفهد المساعد

..~ الأسرار ~..


يا رفيف الماء .. وفجر العيد .. وأحزان المواني
يا أكثر أهل الأرض طيبة قلب .. وأسرار دفينه

المكان اللي هنا .. مليان ضحكات ، وأغاني
والكلام اللي بغيت أقول .. يحتاج ل سكينه !

شوفي الركن البعيد هناك .. كنه صدر حاني
هذا هو اللي يليق ب شاعر و بنت حزينه!

أنسي الشارع ، وعتمات الزوايا ، والمباني
هاتي يدينك نلف الغيم و نشكل مدينه !!

عندي الليلة كلام و صمت .. وأخاف الثواني
تظلمه .. أو تظلم اللي فيه كم ضاعت سنينه

بس لازم تسمعين اللي أبي ولا تراني
لو ب أعيده لك .. نسيت .. ورحت أقول اللي تبينه

شي واحد قبل ما أبدأ .. ما أبي أي شي ثاني
يخطر ف بالك .. وأنا أكشف لك شعور تجهلينه !

إن أنا .. وبكل ما تحمله " أحبك " من معاني
كنت ، وراح أبقى أحبك .. لين .. مدري وش هو لينه !!

بس والله ماقدرت أنسى .. ولا همي نساني
لا ذكرت إنسان .. فيه أسرار مابينك وبينه

كل ما تطري علي فكرة هواك الأولاني
أشعر إني أنطعن مليون مره من يدينه!

أشعر إن عيونك .. الله ما خلقها إلا عشاني
كيف كانت تبتسم له؟!.. قولي إنك تخدعينه !!

صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه

حتى اسمك يوم رحت أدلله .. حظي رماني..
بنفس الاسم اللي يقول .. بذمتك ماهي غبينه !؟

وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه !!

لا تظنيني أناني .. لا .. أنا مانيب أناني
لو سلمت من الغرق . ب أموت في ظهر السفينه!

يا إني ما أكمل وأعاني .. أو أكمل ثم أعاني..
كل ما اسمع طاري اسمه .. أو تجي عيني في عينه!

أينا كان الضحيه ؟.. وأينا اللي كان جاني ؟
مدري !.. ولكن قراري لازم إنك تقبلينه:

مثل ما أكره فكرة إنه واحدٍ ياخذ مكاني
ما أقدر أجلس في مكان إنسان.. كنتي تعشقينه!


~



..~ سكة الذكرى ~..




مرّني طيفك .. وطيفك صاحبي مدري عدوّي
جايبٍ صوتك .. وصوتك سكة الذكرى الحزينة


قال أنا جوّي تكدّر .. قلت : ماهو كثر جوّي
قال فرقانا غبينة .. قلت : وأكثر من غبينة

قال : أنا ب أموت من غيبتك قل لي ويش أسوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنت أقول بيسرح أيام و يضوّي
مثل ماعودني اليا اشتقت له جابه حنينه

بس ه المرة ثمان شهور وضلوعي تدوّي
كل يوم أشتاق لك .. يلعن أبو الشوق وسنينه

كل ماعشمت قلبي .. قال ياآآ ضلوعي تقوّي
ورحت أنا وياه نرقب رجعة اللي فاقدينه

نوب أقول اليا رجع بكون في قمة هدوّي
ونوب أقول الا أبزعل وأتلى مابيني وبينه

كل يوم أجلس على جال البحر وأقول توّي ..
.. لاسألني : مافقدت الحلم في لمسة يدينه ؟!

مادريت أن البحر ماقال لأمواجه تروّي !
و مادريت أن الغرق هو حجّة غياب السفينة

مادريت .. أو مابغيت أدري .. ولاأدري وش بسوّي
لو رجعت .. وشفت طيفك في الممرات الحزينة

وين ابنسى وانت طيفك صاحبي مدري عدوي
مارضى يترك ل غيره شبر واحد في المدينة!




~

..~ تعال ~..


من عز نومي صحيت وشفت في عيني
دمع تهادى على جفني وأنا غافي
سترت دمعي ب كمي قبل يغريني
وأخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا أوصافي هي أوصافي
أمشي وأقول ل طريقي لا توديني
ل عيون ناس تبي تدري عن الخافي
أمانتك.. خلها ما بينك وبيني
خابرك يالدرب خوة عمر وسنافي
ما ودي الناس تدري وش يبكيني
كرامة النفس ورث أبوي و أسلافي
أمشي وأحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بها السافي
إلين ما أوحيت لي صوت يناديني
صوت أعرفه مثل ما أجهل وش خلافي
قمت أتلفت و انادي لا تخليني
ما غيره.. الصوت هذا صوته الدافي
ولمحت زوله من أقصى الدرب لافيني
مدري وش اقول لكن حي ها اللافي
تعال.. شف غيبتك كيف أثرت فيني
تعال.. شفني وأنا أغرق عقب مجدافي
تعال.. خذني ورحبي من عناويني
تعبت أعدي على جمرك وأنا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين أحس بليلك الظافي
تعال وشفيك خايف؟ أنت ناسيني؟
قطعت صوتي عليك وطال ميقافي
حتى بديت أشعر أن الحب معميني
وان أنت حلم عثى فيني وأنا غافي
لكن أمانة ترى اللي في كافيني
إن رحت منك كذا ما رحت متعافي
بصدق الحلم وأحذر لا تصحيني
في خاطري كلمتين إن قلتها كافي
أمانة الله عليك إن غبت عن عيني
لا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي





 

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
لفهد, المساعد, اجمل, قصيدة, قصيده


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أشعار فهد المساعد - قصائد فهد المساعد جارة القمر قسم الشاعر فهد المساعد 2 2012-09-22 02:42 PM
خلفيات اي فون لشاعر فهد المساعد-رمزيات لشاعر فهد المساعد άήęή άļяő7 خلفيات ايفون ، Forum Wallpapers Iphone 5 2010-12-30 11:36 PM
رسائل وسائط لشاعر فهد المساعد - وسائط قصائد فهد المساعد άήęή άļяő7 ::: حــقـلٌ للـمتـشـابــه والمخـآلف ::: 9 2010-10-21 06:37 PM
جديد فهد المساعد - صدفه لشاعر فهد المساعد ≈ F ά i ş α ℓ•¦ شيـلات وآشعار مرئية 10 2010-10-01 12:52 PM
فهد المساعد -قصائد فهد المساعد صوتيه άήęή άļяő7 شيـلات وآشعار مرئية 13 2010-06-04 12:24 AM


الساعة الآن 07:57 AM.


اخر المواضيع

خادم الحرمين يدعم منصة "جود الإسكان" بـ 100 مليون ريال @ اليمن يقدم للجامعة العربية خطة شاملة لإعادة الإعمار @ "الضمان الصحي" عضواً في المنظمة الدولية hl7 لتعزيز القدرات الرقمية @ "ملكية الجبيل" تفتح باب التسجيل للقبول الموحد للكليتين والمعهد @ اختلاسات الحوثي تدفع برنامج الغذاء إلى التهديد بوقف المساعدات @ مفتي عام نيوزيلندا: دور المملكة بارز وملموس في مختلف دول العالم @ ولي العهد يدعم منصة "جود الإسكان" بـ50 مليون ريال @ "الانضباط" ترفض احتجاج القادسية ضد "مسعود الحزم" @ قوات التحالف: الدفاع الجوي السعودي تعترض أهدافًا جوية معادية بجدة والطائف وتُدمِّرها @ "جهيمان" ورفاقه قتلوا المصلين وحاصروا الحرم.. #العاصوف_اليوم يقفز لترند تويتر @ إعلان تشهير رسمي.. "التجارة" تشهِّر بمقيم لحيازة وتخزين منتجات غذائية منتهية الصلاحية ومجهولة المصدر @ سامي: هذا سر غيابي عن حفل جوائز نجوم الموسم @ الرئيس الإندونيسي: لم أحلم أن أكون حاكمًا لولاية.. وأتطلع لتطوير العلاقة مع السعودية @ "قوميز" حضر وسجَّل هدفين.. الدحيل القطري يرافق الهلال لدور الـ 16 @ بطائرة شراعية و15 مركبة.. فريق "إنجاد" يستعد للبحث عن "مفقود الربع الخالي" @ منتخب المملكة للكيك بوكسينغ يحقق البرونزية @ حقائق عن حدود الحرم.. مدير مركز تاريخ مكة يكشف لـ"سبق" تفاصيلها التاريخية @ هدف قاتل يقود الأهلي لمواجهة الهلال في ثمن نهائي أبطال آسيا @ قس أمريكي يروي قصة إسلامه: تعامُل السعوديين دفعني إلى اعتناق الإسلام @ بالصور.. رجال المرور إفطارهم في الطرقات وزادهم راحة مرتاديها @



Powered by vBulletin® Copyright ©2000 - 2019 Jelsoft Enterprises Ltd.
SEO by vBSEO